Облыстық денсаулық сақтау басқармасының баспасөз хатшысы Айнагүл Сақпосынованың айтуынша, оқиға кеше қаладан шығаберістегі Ысқырық тауда (Свистун гора) Орал-Атырау күре жолы бойында орын алды.
Оқиға орнына жедел жәрдем сағат 17.57-де шақырылып, бригада 18.02-де жеткен.
«Жол апаты салдарынан 2018 жылғы жеті айлық сәби мен 1993 жылғы әйел адам зардап шеккен. Алдын ала мәлімет бойынша жабық бас-ми жарақатын алған олар облыстық ауруханаға жеткізілді», деді А.Сақпосынова.
Куәгерлердің сөзіне қарағанда, кеше кешкісін осы маңда көлік кептелісі орын алды. Бұған алдыңғы күні қар жауып, жердің тайғақ болуы да әсер етті.
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).