ОРАЛ. ҚазАқпарат – Оралда автокөлік аялдамаға соғыcып, 64 жастағы жүргізуші ауруханаға жеткізілді, деп хабарлайды ҚазАқпарат тілшісі.
Оқиға 24 желтоқсан күні Абай даңғылы бойында ғылыми-техникалық кітапхана аялдамасында болды.
«Фольксваген» автокөлігі аялдамаға соғыcқан.
БҚО денсаулық сақтау басқармасының баспасөз қызметінен мәлім еткеніндей, жедел жәрдем сағат 11.39-да шақырылды. Жол апаты салдарынан 1958 жылғы ер адам қалалық көпбейінді ауруханаға жеткізілді.
«64 жастағы ер адамды невропатолог қарады, МРТ жасалды. Әзірге ол дәрігерлердің бақылауында», - деп хабарлады ведомстводан.
Қазіргі кезде оқиғаның жай-жапсары анықталып жатыр.
Еске сала кетейік, бұдан бұрын Оралда автокөлік қағып кеткен ер адамның көз жұмғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).