Оралда автокөлік қағып кеткен 64 жастағы ер адам мерт болды
ОРАЛ. ҚазАқпарат – Орал қаласында автокөлік қағып кеткен 64 жастағы ер адам көз жұмды, деп хабарлайды ҚазАқпарат тілшісі.
Фото: БҚО ПД баспасөз қызметі
БҚО полиция департаментінің баспасөз қызметінен мәлім еткендей, оқиға 12 шілде күні шамамен сағат 10.00-де «Омега» зауыты ауданындағы көпірде болды.
«1947 жылғы жүргізуші «УАЗ» автокөлігімен көпірде 64 жастағы ер адамды қағып кетті. Жол апаты салдарынан ер адам оқиға орнында қаза тапты. Қазіргі кезде ҚР ҚК 345-бабы 3-бөлігіне сәйкес сотқа дейінгі тергеу амалдары жүргізіліп жатыр. Тиісті сараптамалар тағайындалды», деп хабарлады ведомстводан.
Марқұмның «Жайық Таза Қала» ЖШС қызметкері екені анықталды.
БҚО денсаулық сақтау басқармасы баспасөз қызметінің нақтылауынша, ер адам жедел жәрдем барғанша қайтыс болып кеткен.
Еске сала кетейік, бұдан бұрын Батыс Қазақстанда жол апатынан тағы екі адамның мерт болғанын жазған едік.
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).