ОРАЛ. ҚазАқпарат – Орал қаласында автокөлік қағып кеткен әйел адам көз жұмды, деп хабарлайды ҚазАқпарат тілшісі.
Оқиға бүгін таңмен шамамен сағат 07.50-де Деркөл кентіне барар жолда Белая казарма аялдамасы тұсында болды.
1985 жылғы жүргізуші Ford Focus авокөлігімен белгіленбеген жерден өтіп бара жатқан 56 жастағы әйелді қағып кеткен. Әйел алған жарақаттары салдарынан оқиға орнында жан тапсырды.
Оқиғаны БҚО полиция департаментінің баспасөз қызметі растап, ҚР ҚК 345-бабы 2-бөлігіне сәйкес сотқа дейінгі тергеу амалдары басталғанын жеткізді.
БҚО денсаулық сақтау басқармасы баспасөз қызметінің нақтылауынша, жедел жәрдем сағат 08.17-де шақырылды. Бірақ әйел қайтыс болып кеткен.
Еске сала кетейік, бұдан бұрын Орадда тәртіп сақшылары асылып қалған ер адамды құтқарғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).