ОРАЛ. ҚазАқпарат - Оралда жол апатынан кейін «Вольво» автокөлігі темір қоршауға ілініп қалды, деп хабарлайды ҚазАқпарат тілшісі.
БҚО ТЖ департаментінен түскен мәліметке қарағанда, оқиға 21 наурыз күні сағат 23.50 шамасында Депо көпірі ауданында Деповская мен Куличев көшелерінің қиылысында орын алды.
Оқиға орнына ТЖ департаментінің қызметкерлері өрттің шығуына жол берген жоқ. Құтқарушылар арнайы құралдардың көмегімен темір қоршауды кесіп, автокөлікті жолға түсірді.
Апаттық-құтқару жұмыстарына барлығы 10 адам, 2 техника жұмылдырылды.
БҚО денсаулық сақтау басқармасының нақтылауынша, бір адам Орал қалалық көпбейінді ауруханасына жеткізілді. Ол бүгін жансақтау бөлімінен бөлімшеге ауыстырылды.
Еске сала кетейік, бұдан бұрын БҚО-да 15 тонна пішен жанып кеткенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).