ОРАЛ. ҚазАқпарат – Оралда автокөлік мотоциклмен соқтығысып, екі адам жарақат алды, деп хабарлайды ҚазАқпарат тілшісі.
БҚО полиция департаментінің баспасөз қызметінен түскен мәліметке қарағанда, оқиға 14 наурыз күні сағат 05.00 шамасында Еуразия және Н.Назарбаев даңғылдарының қиылысында болды.
Оқиға салдарынан мотоциклге мінген 1999 жылғы жігіт пен 1997 жылғы қыз облыстық көпбейінді ауруханасына жеткізілді.
Алдын ала мәлімет бойынша қыздың жағы, жігіттің жамбасы сынған. Жағдайлары тұрақты.
Қазіргі кезде ҚР ҚК 345-бабына (жол ережесін бұзу) сәйкес тергеу амалдары жүргізілуде.
Осыған дейін БҚО-да мас жүргізуші айдаған автокөлік аударылып, үш адам зардап шекті
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).