ОРАЛ. ҚазАқпарат - Оралда автокөлік өртеніп, екі адам зардап шекті, деп хабарлайды ҚазАқпарат тілшісі.
БҚО ТЖ департаментінің баспасөз қызметінен түскен мәліметке қарағанда, оқиға бүгін сағат 15.19-да қала ортасындағы «Мирлан» базары ауданында болды.
«ВАЗ-2106» автокөлігі отқа оранды.
Өрт 16.29-да оқшауланып, 16.47-де сөндірілді.
«Тілсіз жауды» ауыздықтауға 5-өрт сөндіру бөлімінен 5 адам, 1 техника жұмылдырылды.
Өрт салдарынан күйік шалған 1983 жылғы жүргізуші мен 1980 жылғы жолаушы әйел ауруханаға жеткізілді. Олар дәрігер қарағаннан кейін үйлеріне жіберілді.
Еске сала кетейік, бұдан бұрын БҚО-да сыра қайнату кешені отқа оранғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).