ОРАЛ. ҚазАқпарат – Оралда автокөлік велосипед мінген жас жігітті қағып кетті, деп хабарлайды ҚазАқпарат тілшісі.
Жол-көлік оқиғасы 17 қазан күні кешкісін М.Шолохов пен Ғ.Құрманғалиев көшелерінің қиылысында болды.
Облыстық денсаулық сақтау басқармасының баспасөз хатшысы Айнагүл Сақпосынованың айтуынша, жедел жәрдем сағат 18.07-де шақырылып, бригада бес минуттан кейін жетті.
Алдын ала мәлімет бойынша аяқ басы сүйектері сынған 1996 жылғы жігіт қалалық көпбейінді ауруханаға жеткізілді.
Қазіргі кезде оқиғаның мән-жайы анықталу үстінде.
Еске сала кетейік, бұдан бұрын Оралда жол апатынан қаза тапқан адамның шетелдік болып шыққанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).