ОРАЛ. ҚазАқпарат - Оралда автокөлік жас жігітті қағып кетті, деп хабарлайды ҚазАқпарат тілшісі.
Оқиға 2 қыркүйек күні қалаға қарасты Деркөл кентіндегі Конкин көшесінде орын алды. «Лада Приора» автокөлігі жаяу жүргіншіні қағып кеткен.
Облыстық денсаулық сақтау басқармасының баспасөз хатшысы Айнагүл Сақпосынованың сөзіне қарағанда, оқиға орнынан жедел жәрдемге шақырту сағат 17.00-де түскен.
Жедел жәрдем бригадасы бес минуттан кейін жеткен. Алдын ала мәлімет бойынша 1995 жылғы жігіт бас пен мидың жабық жарақатын алған, миы шайқалған. Сондай-ақ ортан жіліктің басы сынған. Қазіргі таңда облыстық клиникалық ауруханада ем алып жатыр.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).