ОРАЛ. 19 қазан. ҚазАқпарат - «Қазконтент» акционерлік қоғамы Қазақстан Республикасы Мәдениет және ақпарат министрлігінің қолдауымен мемлекеттік ақпараттандыру саясатын жүргізудің тиімділігін арттыру, мемлекеттік идеологияны, сонымен бірге ұлттық ақпарат көздерінің бәсекеге қабілеттілігін жетілдіру, заманауи технологияларды қолдану бағытында бұқаралық ақпарат құралдарын ғаламторға шығару жөніндегі жобаны іске асыруда.
Осыған орай Орал қаласында аталмыш жоба аясында бұқаралық ақпарат құралдарының сайттарын әзірлеу, дайын сайттарды ақпаратпен толтыру әдістерін оқыту бойынша семинар өткізілді.
Семинарды «Қазконтент» АҚ мамандары Әйгерім Жакина мен Жазира Ұлықпаева өткізді. Оған Батыс Қазақстан өңіріндегі бұқаралық ақпарат құралдары өкілдері қатысты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).