ОРАЛ. ҚазАқпарат - Кеше Орал қаласындағы №34 «Балбұлақ» балабақшасынан төрт бүлдіршін облыстық жұқпалы аурулар ауруханасына түскен, деп хабарлайды «ҚазАқпарат» тілшісі.
Орал қаласы әкімдігінің баспасөз қызметінен түскен мәліметке қарағанда, алдымен бір бала өзін жайсыз сезініп, құсқаннан кейін жедел жәрдем көлігімен ауруханаға жеткізілген. Кешкісін сол топтан тағы үш бала аталмыш емдеу мекемесіне жатқызылған. Қазіргі таңда олардың жағдайы қалыпты, біреуі үйіне жіберілді.
Балалардың неден ауырғаны тиісті органдардың зерттеу қорытындыларынан кейін белгілі болмақ.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).