ОРАЛ. ҚазАқпарат - Оралда қардың жиналып қалуына байланысты балабақшаның төбесі құлады, деп хабарлайды ҚазАқпарат тілшісі.
БҚО ТЖ департаментінің баспасөз қызметінен түскен мәліметке қарағанда, оқиға 12 ақпан күні сағат 08.20-да болған.
Т.Масин көшесі 44-мекенжайында орналасқан №19 «Золотой петушок» балабақша-яслиі шатырының бір бөлігі опырылған. Оның көлемі - 35 шаршы метр. Төбенің жалпы алаңы - 500 шаршы метр.
Зардап шеккендер жоқ.
Оқиға орнына ТЖ департаментінен 3 қызметкер бір техникамен барды. Сондай-ақ, Орал қаласы тұрғын үй-коммуналдық шаруашылығы және білім беру бөлімдерінің өкілдері болды.
Биыл облыста қардың мол түскені белгілі. Сондықтан ТЖ департаменті әлеуметтік мекемелер, мектептер мен балабақшалар басшыларына төбелерді қардан уақтылы тазартуға кеңес беріп отыр.
Еске сала кетейік, бұдан бұрын Оралда тұрғын үйдің төбесі құлағанын жазған болатынбыз.
Фото: mgorod.kz
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).