ОРАЛ. ҚазАқпарат - Орал қаласында тұрғын үйдегі өрттен 25 адам эвакуацияланды, деп хабарлайды ҚазАқпарат тілшісі.
БҚО ТЖ департаментінің баспасөз қызметінен алынған мәліметке қарағанда, кеше кешкісін сағат 21.24-те «Құрылысшы» шағынауданы №19 үйде өрт болып жатқаны жөнінде хабар түскен.
Өрт сөндірушілер жеткенде, 9 қабатты үйдің балконында жеке заттар мен терезе жақтауы жанып жатқаны анықталды. Өрт аумағы 12 шаршы метрді қамтыды.
Өрт сөндіру барысында 25 адам эвакуацияланса, соның үшеуі - балалар.
«Тілсіз жауды» ауыздықтауға жеке құрамнан 8 адам, 2 техника жұмылдырылды. Өрт 22.20-да сөндірілді.
Қазіргі кезде өрттің шығу себебі, келтірілген шығын, кінәлі адамдар анықталуда.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).