ОРАЛ. Қаңтардың 14-і. ҚазАқпарат /Елжан Ералы/ - Орал қаласында «АгроТраст» ЖШС диірмен комбинаты өнімдерінің «Белес» сауда белгісінің таныстырылымы болды,
деп хабарлайды ҚазАқпарат тілшісі.
Зеленов ауданы Белес ауылында ашылған диірменге «Бюллер» фирмасының жабдығы орнатылғандықтан, оның өнімі әлемдік талаптарға сай келеді. Аталмыш серіктестік директоры, облыстық мәслихаттың депутаты Мұрат Жәкібаевтың айтуынша, қазірдің өзінде саудаға түсе бастаған «Белес» ұнының бағасы өзгелерден жоғары емес, бірақ анағұрлым сапалы. Қазір ұнның бес сорты шығарылып жатса, болашақта ол жетіге жеткізілмек. Сондай-ақ «АгроТраст» ЖШС наубайхана мен макарон өндірісін де жолға қоймақшы.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).