ОРАЛ. ҚазАқпарат – Оралда бес қабатты үйдегі өрттен 25 адам эвакуацияланды, деп хабарлайды ҚазАқпарат тілшісі.
БҚО Төтенше жағдайлар департаментінің баспасөз қызметі мәлім еткеніндей, оқиға 18 қаңтар күні түнде Құрманғазы көшесі 168-мекенжайында болды.
Сағат 22.39-да үшінші қабаттағы №30 пәтерден өрт шыққаны жөнінде хабар түсті.
Аталған пәтерде жеке заттар мен жиһаз жанған.
Оқиға орнынан 25 адам шығарылса, соның алтауы – балалар.
«Тілсіз жауды» ауыздықтауға жеке құрамнан 21 адам, 6 техника жұмылдырылды. Өрт сағат 23.13-те толықтай жойылды.
Қазіргі кезде өрттің шығу себебі, кінәлілер, келтірілген шығын анықталу үстінде.
Еске сала кетейік, бұдан бұрын Оралда гараждағы өрттен әйел адамның көз жұмғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).