ОРАЛ. 15 ақпан. ҚазАқпарат - Орал қаласында биыл тұрғынүйқұрылысжинақ жүйесі арқылы бес көп қабатты тұрғын үйлер құрылысын бастауға 1,5 млрд. теңге бөлінді.
Қала әкімі Болат Шәкімовтің сөзіне қарағанда, қала әкімдігі инженерлік-коммуникациялық инфрақұрылымды дамыту мәселесін де ұдайы назарда ұстап келеді. Өткен жылы бұл мақсатқа республикалық бюджеттен 1,6 млрд. теңге жұмсалды. Осы қаржыға «Сарытау» шағынауданы, Деркөл, Серебряков, Зачаган кенттері, Оралдың солтүстік-шығыс бөлігінде инженерлік желі тартылды.
Биыл инженерлік-коммуникациялық инфрақұрылымды одан әрі дамыту бағытында 37 нысан бойынша 1,3 млрд. астам теңге қарастырылды. Сонымен қатар Желаев кентін сумен қамту және кәріздік жүйе құрылысын жалғастыруға 654 млн. теңге берілді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).