ОРАЛ. ҚазАқпарат - Орал қалалық мешітінің наиб-имамы Наурыз Ұбаев пен оның зайыбы Әлияның отбасында үшем өмір есігін ашты.
Облыстық денсаулық сақтау басқармасының баспасөз хатшысы Флюра Саматованың айтуынша, облыстық перинаталдық орталықта 27 қарашаға қараған түні араға бір-екі минут салып, үш қыз бала дүниеге келген. Олардың үлкенінің салмағы - 2 кг 330 грамм, бойы - 44 см, ортаншысынікі - 2 кг 290 грамм, бойы - 43 см, кішісінікі - 2 кг 600 грамм, бойы - 46 см.
Қазіргі кезде перинаталдық орталықта жатқан анасы мен сәбилердің жағдайы қалыпты. Сөйтіп отбасындағы баланың үлкені Әлижанның соңынан бірден үш бірдей қарындасы ілесті.
Айта кетейік, дәл сол күні үшеммен бір уақытта 22 нәресте өмір есігін ашса, соның 15-і - қыз, жетеуі - ұл бала көрінеді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).