ОРАЛ. ҚазАқпарат – Оралда кәріз коллекторында тағы да апатты жағдай орын алды, деп хабарлайды ҚазАқпарат тілшісі.
БҚО ТЖ департаментінің баспасөз қызметінен түскен мәліметке қарағанда, 6 наурыз күні сағат 19.30-да Мәскеу көшесінде кәріз коллекторында екі жерде диаметрі 500 мм құбыр жарылды.
Оның жарылу себебі анықталу үстінде.
Осыған байланысты қаланың 5, 6, 7 және 9-шағынаудандарында су беруді тоқтату жоспарлануда.
Қазіргі кезде «Батыс су арнасы» және «Жайық таза қала» ЖШС күштерімен (18 қызметкер, 11 техника) жөндеу және қалпына келтіру жұмыстары жүргізілуде.
Еске сала кетейік, бұдан бұрын Орал қаласының бірқатар бөлігі ауыз сусыз қалғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).