ОРАЛ. ҚазАқпарат - Орал қаласында үш иттен құтыру белгілері анықталды, деп хабарлайды ҚазАқпарат тілшісі.
Орал қалалық қоғамдық денсаулық сақтау басқармасының басшысы Мәдениет Танауовтың айтуынша, бұл оқиғалар ақпан, наурыз айларында тіркелді. Соның екеуі Зачаган кентінде, біреуі Желаевта орын алды.
«Қазіргі кезде итпен байланыста болған тұрғындарға екпе салынуда. Жалпы, әр тұрғын ит пен мысықты ұстау ережелерін мұқият сақтауы тиіс. Егер ит тістеген жағдайда ол адамға міндетті түрде екпе салынады. Ит те мал дәрігерінің бақылауына алынып, сау екендігі анықталғаннан кейін ғана екпе тоқтатылады», деді М.Танауов
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).