ОРАЛ. ҚазАқпарат - Оралда бүгін бос қалған өндірістік ғимарат өртенді, деп хабарлайды ҚазАқпарат тілшісі.
Батыс Қазақстан облысы Төтенше жағдайлар департаментінің баспасөз қызметінен түскен мәліметке қарағанда, бұл жөнінде хабар сағат 16.49-да түскен.
«Верхний тупик» көшесіндегі 1/1-мекенжайында «Орал металл конструкциялары және цинкілеу зауыты» АҚ-ға тиесілі бір қабатты ғимарат отқа оранды.
1970 жылы салынған ғимараттың төбесі мен терезелері (400 шаршы метр) және тұрмыстық қалдықтар (200 шаршы метр) жанды.
Аталған ғимаратты 2015 жылы сот орындаушылары жауып, сатуға шығарған.
«Тілсіз жау» сағат 17.48-де оқшауланып, 18.32-де ауыздықталды.
Оқиға орнына 65 адам, 18 техника, сондай-ақ жедел тергеу тобының 5 қызметкері мен 2 техника барды. Оқыс оқиғадан ешкім зардап шекпеді.
Қазіргі кезде оқиғаның жай-жапсары анықталып жатыр.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).