ОРАЛ. 3 қазан. ҚазАқпарат - Оралдағы Жастар мәдениет сарайында «Дала дарындары» облыстық байқауы қорытындыланды.
Классикалық музыка, журналистика, бейнелеу өнері, халық музыкасы, үздік әдеби шығарма, вокалдық топтар мен сатира жанры аталымы бойынша өткен байқауға 16-32 жас аралығындағы 80 өнерпаз қатысты.
Аудан-қалада жүлделі орынға ие болған өнерлі жастар арасынан оза шауып, бәйгені бермеген оралдықтар Асқат Әбдешов (бейнелеу өнері), Илья Козырев (скрипка) пен Ұлпан Кенжина (академиялық ән салу), зеленовтық Жеміс Лұқпанова (әдеби шығарма) мен Надежда Глазовалар (фортепиано) Астана қаласында өтетін республикалық «Шабыт» фестиваліне жолдама алды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).