ОРАЛ. KAZINFORM – Орал қаласында екі қабатты «Нұралы» мейрамханасының шатыры өртенді.
Фото: БҚО ТЖД
БҚО ТЖ департаментінің баспасөз қызметінен мәлім еткеніндей, оқиға 24 мамыр күні сағат 17.04-те Зачаган кентіндегі М.Мөңкеұлы көшесі 51/3-мекенжайында болды.
«Өрт сөндірушілер 6 минуттан кейін келіп жеткенде, мейрамхананың шатыры жанып жатқан. Ғимараттың жалпы ауданы – 1 894 шаршы метр. Өрттің аумағы 390 шаршы метрді қамтыды. Зардап шеккендер жоқ. «Тілсіз жау» БҚО ТЖ департаментінің күш-құралдарымен (63 адам, 22 техника) сағат 19.05-те оқшауланып, 19.44-те толықтай ауыздықталды», деп хабарлады ведомстводан.
Фото: БҚО ТЖД
Қазіргі кезде өрттің шығу себебі, келтірілген шығын анықталу үстінде.
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).