ОРАЛ. KAZINFORM — «Қарасора» жедел алдын алу іс-шарасы барысында есірткі қылмысына қарсы іс-қимыл басқармасының қызметкерлері синтетикалық есірткіні таратты деген күдікпен 1999 жылғы екі қызды қолға түсірді.
БҚО полиция департаментінің баспасөз қызметінен мәлім еткеніндей, олар қала маңындағы орман алқабында ұсталды. Жеке тінту кезінде ұнтақ зат салынған 30 орама табылды.
Кейін жалға алынған пәтерден тағы 125 орама, ақ және қызыл түсті ұнтақ заттары 5 контейнер, электронды таразы, zip-пакеттер, оқшаулау лентасы тәркіленді.
Сараптама нәтижесіне сәйкес 817,16 грамм Alpha-PVP, 782,44 грамм мефедрон, 192,13 грамм гашиш, барлығы 1 кг 599,6 грамм есірткі алынды.
— Аталған дерек бойынша қылмыстық іс қозғалып, күдіктілер уақытша ұстау изоляторына қамалды. Қазіргі кезде тергеу амалдары жүргізіліп, есірткі жеткізу арналары мен ықтимал сыбайластар анықталу үстінде, деп хабарлады ведомстводан.
Еске сала кетейік, бұдан бұрын Оралда ер адам баласына қатыгездік көрсеткенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).