ОРАЛ. ҚазАқпарат – Орал қаласында екі көпқабатты тұрғын үйден өрт шығып, 20-ға жуық адам эвакуацияланды, деп хабарлайды ҚазАқпарат тілшісі.
БҚО ТЖ департаментінің баспасөз қызметінен алынған мәліметке қарағанда, оқиға 8 тамыз күні болды.
Сағат 14.48-де Құрманғазы көшесі 102-мекенжайында пәтерден түтін шығып жатқаны жөнінде хабар түскен. №55 пәтердің асүйінде тоңазытқыш, қысқа толқынды пеш, жиһаз жанды.
Оқиға орнынан 12 адам шығарылса, соның төртеуі – балалар.
«Тілсіз жау» 15.00-де ауыздықталды.
Сол секілді сағат 15.51-де Жамбыл көшесі 40/2-мекенжайында 9-қабатта балкон өртенген. №74 пәтердің балконында жеке заттар мен терезе жақтауы отқа оранған.
Бес адам эвакуацияланса, соның біреуі – бала.
Мұнда өрт сағат 16.17-де сөндірілді.
Зардап шеккендер жоқ.
Еске сала кетейік, бұдан бұрын Оралда бір күнде екі кісі өлтіру дерегі тіркелгенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).