ОРАЛ. ҚазАқпарат – Оралда екі жасар қыз бала екінші қабаттағы терезеден құлап кетті, деп хабарлайды ҚазАқпарат тілшісі.
БҚО ТЖ департаментінің баспасөз қызметі мәлім еткеніндей, оқиға 1 шілде күні Әбубәкір Кердері көшесі 172/1-мекенжайында орналасқан бес қабатты үйде орын алды.
Ересектердің қарауынсыз қалған 2018 жылғы қыз бала 2 қабаттағы терезеден құлап түскен. Анасы ас үйде болған кезде қыз ашық тұрған терезенің жақтауына шыққан.
Жабық бас-ми жарақатын алып, миы шайқалған сәби ауруханаға жеткізілді. Жағдайы орташа ауыр.
БҚО ТЖ департаменті ата-аналарға балаларын қараусыз қалдырмауды тағы да ескертеді.
Еске сала кетейік, бұдан бұрын Оралда екі күнде 2 баланың терезеден құлап кеткенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).