ОРАЛ. ҚазАқпарат – Оралда электр жөндеуші ток соғып, мерт болды, деп хабарлайды ҚазАқпарат тілшісі.
БҚО ТЖ департаментінің баспасөз қызметінен алынған мәліметке қарағанда, оқиға 12 маусым күні сағат 11.04-те Назарбаев даңғылы бойында болған.
Электр бағанында өз қызметін атқару кезінде электр жөндеушіні ток соққаны жөнінде хабар түскен.
Жедел құтқару жасағының 4 қызметкері мен бір техника оқиға орнына шұғыл жетті.
Өкінішке қарай, отыз жастағы электр жөндеушіні құтқарып қалу мүмкін болмады.
Электр жүйесі қызметкерлерімен бірге арнайы техниканың көмегімен марқұм жерге түсіріліп, денесі құзырлы мекемеге тапсырылды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).