ОРАЛ. ҚазАқпарат – Орал қаласында ер адам биіктен құлап, мерт болды, деп хабарлайды ҚазАқпарат тілшісі.
Облыстық денсаулық сақтау басқармасы баспасөз қызметінің хабарлауынша, оқиға 30 қараша күні жаңадан салынып жатқан мəдениет сарайының құрылыс алаңында болды.
Жедел жəрдем сағат 15.01-де шақырылды. 53 жастағы ер адам шамамен 15 метр биіктіктен құлап кеткен. Ол жедел жəрдем келгенге дейін көз жұмды.
Облыстық полиция департаментінің ресми өкілі Болатбек Белгібеков оқиға орнында полиция қызметкерлерінің жұмыс істеп жатқанын жеткізді. Оқиғаның мəн-жайы анықталу үстінде.
Еске сала кетейік, бұдан бұрын стоматологияда күйік шалған əйелдің қаза тапқанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).