ОРАЛ. 26 наурыз. ҚазАқпарат - БҚО ІІД есірткі бизнесімен күрес басқармасының қызметкерлері жедел іздестіру шаралары барысында есірткі сатумен айналысқан Орал қаласының 34 жасар тұрғынын қолға түсірді.
Департаменттің баспасөз қызметінен хабарлағанындай, жедел іздестіру шаралары барысында аталмыш азаматтың 18 наурыз күні Әбілқайыр көшесі бойында сіріңке қорабына салынған 1,31 грамм кептірілген марихуананы өткізгені белгілі болды. 23 наурыз күні Құрманғазы көшесі бойында 0,9 грамм марихуананы тағы сатқан.
Күдікті ҚР ҚК 132-бабы бойынша Орал қалалық ішкі істер басқармасы уақытша оқшаулау абақтысына қамалып, тергеу амалдары жүргізілуде.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).