Орал қаласында гараж бен шағын автобус жанып кетті, деп хабарлайды Kazinform.
Фото: БҚО ТЖД
БҚО ТЖ департаментінің баспасөз қызметінен мәлім еткеніндей, оқиға 5 желтоқсан күні жергілікті сағат 21.50-де болды.
Фото: БҚО ТЖД
«Н.Чесноков көшесі бойында гараж отқа оранды. Алдын ала мәлімет бойынша жалын 70 шаршы метрді шарпыды. Гараждың ішінде шағын автобус болған. Зардап шеккендер жоқ. «Тілсіз жауды» ауыздықтауға өрт сөндіру бөлімдерінен 14 адам жіне 3 техника жұмылдырылды. Өрт сағат 22.40-та оқшауланды. Оқиға орнында Орал қаласы ТЖ басқармасы, зерттеу-сынау өртке қарсы зертханасы мамандары болды», - деп хабарлады ведомстводан.
Еске сала кетейік, бұдан бұрын Батыс Қазақстанда Атырау мен Ақтөбе бағытындағы жолдар жабылғанын жазған болатынбыз.
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).