ОРАЛ. ҚазАқпарат - Оралда гараж өртеніп, әйел адамның мүрдесі табылды, деп хабарлайды ҚазАқпарат тілшісі.
БҚО ТЖ департаментінің баспасөз қызметінен түскен мәліметке қарағанда, оқиға 15 қаңтар күні сағат 23.15-те М.Шолохов көшесі, 50/1-мекенжайында болды.
«Победа» гараж кооперативінде аумағы 40 шаршы метрді қамтыған гараж отқа оранған. Өрт орнынан әйел адамның мүрдесі табылды.
«Тілсіз жауды» ауыздықтауға 12 адам, 4 техника жұмылдырылып, сағат 00.43-те толық сөндірілді.
Оқиға орнында Орал қаласы ТЖ басқармасы қызметкерлері мен өрт сөндіру қызметінің өртті зерттеу зертханасы жұмыс істеді.
Өрттің себебі мен кінәлілерді анықтау үшін материал полицияға тапсырылды.
Еске сала кетейік, бұдан бұрын Оралда көпқабатты үйдегі өрттен 14 адам эвакуацияланғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).