ОРАЛ. ҚазАқпарат - Кеше сағат 11.00-де Орал қаласындағы №12 орта мектепте газ баллоншасының шашылғаны жөнінде полицияға хабар түскен.
БҚО ІІД баспасөз қызметінен түскен мәліметке қарағанда, оқиға орнына жеткен полиция қызметкерлері баллоншаны мектеп оқушыларының бірі шашқанын анықтады.
Аталған дерек бойынша ҚР ҚК 293-бабына (бұзақылық) сәйкес сотқа дейінгі тергеу амалдары жүргізілуде.
Еске сала кетейік, оқыс оқиғаның салдарынан жеті оқушы ауруханаға жеткізілген болатын.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).