Батыс Қазақстан облысы Төтенше жағдайлар департаментінің баспасөз қызметінен түскен мәліметке қарағанда, оқыс оқиға 27 наурыз күні сағат 15.51-де С.Тюленин көшесіндегі 52 үйде болған.
1982 жылғы әйелге тиесілі автокөлік өртенді. Оны сөндіруге 10 адам, 2 техника жұмылдырылды. «Тілсіз жау» сағат 16.26-да ауыздықталды.
Оқиға куәгерлерінің сөзіне қарағанда, газ жабдығы орнатылған автокөлік жөндеу жұмыстары кезінде жанған.
Еске сала кетейік, бұдан бұрын Оралда екі автокөлік соқтығысып, жол апатынан төрт адамның жарақат алғанын жазған болатынбыз.