ОРАЛ. ҚазАқпарат – Оралда газ жарылысынан күйік шалған жігіттің біреуі көз жұмды, деп хабарлайды ҚазАқпарат тілшісі.
Облыстық денсаулық сақтау басқармасының баспасөз хатшысы Айнагүл Сақпосынованың айтуынша, 21 жастағы жігіт бүгін таңмен ауруханада көз жұмды.
«2002 жылғы жігіт жансақтау бөлімінде жатыр, жағдайы ауыр. 21 жастағы үшінші жігіт хирургиялық бөлімшеде, жағдайы орташа ауыр деңгейде», деді ҚазАқпарат тілшісіне А.Сақпосынова.
Тұрғындардың сөзіне қарағанда, зардап шеккендердің бәрі де Тәжікстаннан келіп, сол үйде жөндеу жұмыстарын жүргізіп жатқан жұмысшылар көрінеді.
Еске сала кетейік, бұдан бұрын Оралда тұрғын үйде газ жарылып, үш адамның ауруханаға түскенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).