ОРАЛ. ҚазАқпарат – Орал қаласында «ГАЗель» жүк көлігі жанып кетті, деп хабарлайды ҚазАқпарат тілшісі.
БҚО ТЖ департаментінің баспасөз қызметінен мәлім еткеніндей, оқиға 1 наурыз күні Абай даңғылы бойында болды.
«Сағат 09.27-де «Сити центр» сауда үйі маңында «ГАЗель» автокөлігі отқа оранды. Өрт сөндірушілер келіп жеткенде, жүк көлігінің мотор бөлігі мен салоны жанып жатқаны анықталды. Автөкөлік газбен жабдықталмаған. Зардап шеккендер жоқ. «Тілсіз жау» сағат 09.40-та ауыздықталды. Өрт автомобильдің техникалық істен шығуынан тұтанған. БҚО ТЖ департаменті жүргізушілерге өз көлігінің техникалық жай-күйін мұқият қарап, өрт қауіпсіздігі ережесін сақтау керектігін еске салады», деп хабарлады ведомстводан.
Айта кетейік, жыл басынан бері осымен өңірде 17 автокөлік өртенді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).