ОРАЛ. ҚазАқпарат – Оралда жоғалып кеткен 16 жасар жасөспірім аман-есен табылды, деп хабарлайды ҚазАқпарат тілшісі.
БҚО полиция департаментінің баспасөз қызметі мәлім еткендей, Нұрислам Сағындықов жергілікті сағат 19.45-те қалалық мәдениет және демалыс саябағында жүрген жерінен табылды.
«Аталған жасөспірім қыдырып жүргенде, ұялы телефонының батареясы отырып қалған. Оның өзімен және ата-анасымен әңгімелесу жүргізілді», деп хабарлады ведомстводан.
Осылайша, бүгін таңнан бері хабарсыз кеткен Нұрислам кешкісін табылды.
Еске сала кетейік, бұдан бұрын Оралда жоғалып кеткен 16 жасар бозбаланың іздестіріліп жатқанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).