ОРАЛ. ҚазАқпарат - Орал қаласында Ұлы Жеңістің 70 жылдығына арналған Кеңес Одағы және Ресей Федерациясының Батыры Қайырболат (Николай) Майдановты еске алуға арналған грек-рим күресінен 1999 жылғы және одан кіші жасөспірімдер арасында VІ халықаралық турнирдің жеңімпаз-жүлдегерлері анықталды.
Дәстүрлі жарысқа Ресейдің Орынбор, Саратов, Қазақстанның Ақтөбе, Атырау, Қызылорда, Маңғыстау, Батыс Қазақстан облыстарынан жасөспірім палуандар қатысып, 13 салмақ дәрежесінде бақ сынады.
Турнир қорытындысында Артем Богданов (Саратов облысы, 32 кг), Мұса Қалибек (Ақтөбе облысы, 35 кг), Азат Мұхамедиев (Орал, 38 кг), Санжар Лекеров (Орал, 42 кг), Бақтияр Қадырғалиев (Орал, 46 кг), Олжас Жалғасұлы (Ақтөбе, 50 кг), Бақдәулет Зайроллаев (Ақтөбе, 54 кг), Сұлтанбек Елемес (Орал, 58 кг), Дәулет Ларионов (Орал, 63 кг), Бекжан Жақсылықов (Атырау, 69 кг), Бекхан Алданов (Атырау, 76), Әмірбек Алдияров (Ақтөбе, 85 кг), Руслан Татаханов (Орал, 100 кг) чемпион атанды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).