ОРАЛ. 2 қазан. ҚазАқпарат - Бүгін өңірде басшылық қызметтер атқарған ардагер Қуанышбай Төлебаевтың отбасылық мұражайы ашылды.
Шарада облыстық ішкі саясат басқармасы басшысының міндетін атқарушы Айгүл Есекенова аға буын өкілдерін Қариялар күнімен құттықтап, «Зерде» қорының төрағасы Қуанышбай Төлебаевқа өңірдің дәстүрлі ән-күйлерінің таспалар жинағын сыйға тартты.
Жиналған жұртшылық мұндай мұражай республика көлемінде жоқ екенін айтып, жас ұрпақ тәрбиесіне оның қосар үлесі көп болатынын тілге тиек етті.
Қ.Төлебаевтың сөзіне қарағанда, мұражайға өз әулетіне ғана емес, өңірге қатысты фотосуреттер, түрлі бұйымдар қойылған.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).