19:34, 07 Қыркүйек 2012

Оралда кадр мәселесіне арналған жиын болды

ОРАЛ. 7 қыркүйек. ҚазАқпарат - ҚР Мемлекеттік қызмет істері агенттігінің тапсырмасына сәйкес кеше облыстық мәслихаттың кіші залында өңірдегі жергілікті атқарушы мемлекеттік органдарының және аумақтық басқармалар мен департаменттерінің бірінші басшыларының қатысуымен кадр мәселесіне арналған жиын болды.

Жиналысты басқарма бастығы Әкімгерей Серғалин ашып, кадрларды іріктеуде орын алатын рушылдық, жершілдік, қызметкерлердің алмасуы, мемлекеттік тәртіптің сақталуы мәселелері төңірегінде ауқымды баяндама жасады. Сонымен қатар басқарма бастығы мемлекеттік қызметтің жаңа моделінің тұжырымдамасына сәйкес мемлекеттік қызмет саласындағы Заң мен заңнамаға енгізілгелі жатырған өзгерістер мен толықтырулар жайында толық түсінік берді. Жиналыста облыстық тексеру комиссиясының төрағасы Серік Тұрсынов, облыс әкімі аппаратының басшысы Амангелді Дәулетжанов және басқа қатысушылар сөз сөйлеп, пікір алмасты.   

Басқа мемлекеттік органдар Басқа меморгандар Батыс Қазақстан облысы
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).