ОРАЛ. KAZINFORM – Орал қаласының әкімі Мұрат Байменовтің атынан жалған хабарлама тарады.
Қала басшысы М.Байменовтің Instagram әлеуметтік желісіндегі парақшасында мәлім еткеніндей, белгісіз тұлғалар WhatsApp мессенджерінде оның атынан кей адамдарға хабарламалар жіберіп жатыр.
Алаяқтар онда әкімге тиесілі емес нөмірді көрсеткен.
«Бұл хабарламалардың жалған екенін мәлімдеймін. Көрсетілген нөмір маған тиесілі емес. Жіберілген хабарламаларға сенбеуіңізді және көрсетілген сілтемелер бойынша өтпеуіңізді сұраймын», - деп жазды қала әкімі.
Мұндай жағдай БҚО-да алғаш рет тіркеліп отырған жоқ.
Еске сала кетейік, бұдан бұрын алаяқтардың БҚО әкімінің атынан жалған хабарлама таратқанын жазған болатынбыз.
Сондай-ақ Оралда мектеп-балабақша басшыларына ҰҚК атынан жалған хабарлама келген.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).