ОРАЛ. Қыркүйектің 11-і. ҚазАқпарат /Ғайсағали Ералы/ - Оралда қыркүйектің 19-ына белгіленген қала күніне орай көптеген шаралар ұйымдастырылып отыр,
деп хабарлайды ҚазАқпарат тілшісі.
Бұл күні Александр Пушкин мен Жұбан Молдағалиев бақтары күрделі жөндеуден кейін қайта ашылады. Орталық Абай алаңында театрландырылған бағдарлама, жергілікті өнерпаздардың қатысуымен концерт қойылады. Кешкісін Қазақстанның эстрада жұлдыздары өнер көрсетіп, соңы мерекелік отшашуға ұласады.
Сондай-ақ волейболдан «Достық» турнирінде жасөспірімдер күш сынасатын болса, жабық мұз айдыны сарайында мәнерлеп сырғанаудан жарыс өтеді. Қалалық мәдениет және демалыс саябағында да су спорты, волейбол, қазақ күресі, кір тасын көтеруден сайыс ұйымдастырылып, орыс ұлт аспаптар оркестрі сахнаға шығады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).