ОРАЛ. 1 желтоқсан. ҚазАқпарат /Елжан Ералы/ - Орал қаласы прокуратурасы кәсіпорын-мекемелерде еңбек заңнамасы талаптарының сақталуына мониторинг жүргізген кезде заңбұзушылықтардың орын алғанын анықтады.
Облыс прокуратурасының баспасөз қызметінен түскен мәліметке қарағанда, «Ақжайық» спорт клубы» АҚ 60 жұмысшының алдында ағымдағы жылдың шілде мен тамыз айлары үшін 5 116 300 теңге және 61 спортшы мен жаттықтырушыларға қаңтар мен тамыз айлары үшін 148 603 500 теңге көлеміндегі бережақ қалыптасқаны анықталды. Барлығы 121 жұмысшылар мен спортшыларға 153 719 000 теңге қарыз болып шықты.
Осыған орай қалалық прокуратура «Ақжайық» спорт клубы» АҚ-ның басшылығына заңбұзушылықты дереу жою және 2011 жылғы 1 қазанға дейін еңбек қызметінің аталмыш кезеңі үшін қызметкерлерге жалақыларын төлеу туралы ұйғарым енгізілді. Алайда ұйғарым орындалған жоқ, сондықтан қалалық прокуратура ұйғарымды мәжбүрлеп орындату туралы қаулы шығарып, БҚО бойынша сот актілерін орындау департаментіне жолдады. Прокурорлық ықпал ету шараларымен беражақ толық өтелді.
Сол секілді «Дастан» баспа-полиграфия кешені» ЖШС-інің сегіз жұмысшы алдындағы 371 мың теңге көлеміндегі берешегі де өтелді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).