11:57, 06 Маусым 2018

Оралда қалалық ішкі істер басқармасының екі лауазымды қызметкері ұсталды

ОРАЛ. ҚазАқпарат - Оралда қалалық ішкі істер басқармасының қос бірдей лауазымды қызметкері ұсталды, деп хабарлайды ҚазАқпарат тілшісі.

ҚР Ішкі істер министрлігінің ресми өкілі Алмас Садубаевтың мәлім еткеніндей, кеше БҚО ішкі істер департаменті өзіндік қауіпсіздік басқармасының қызметкерлері екі лауазымды қызметкерді қолға түсірді. Олар күдіктіні қылмыстық жауапкершілікке тартамын деп қорқытып, 240 мың теңге ақша алған.

БҚО ішкі істер департаменті өзіндік қауіпсіздік басқармасының бастығы Эдик Болатов бұл оқиғаны растап, күдіктілерге қамау шарасы қарастырылып жатқанын айтты. Сонымен қатар нақты мәлімет прокуратурамен келісілгеннен кейін берілетінін жеткізді.

Батыс Қазақстан облысы Заң Заң және құқық Қылмыспен күрес
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).