ОРАЛ. KAZINFORM — Орал қаласында Ә.Әйтиев және Д.Нұрпейісова көшелерінің қиылысында диаметрі 200 мм ысырманы ауыстыру жұмыстары жүргізіліп жатыр.
«Батыс су арнасы» ЖШС-дан мәлім еткеніндей, осыған байланысты қаланың орталық бөлігіндегі бірқатар үйге салқын су беру тоқтатылды.
- Атап айтқанда, Қ.Жұмағалиев, Короткая, Ж.Досмұхамедов, И.Елизаров, А.Карев, Д.Нұрпейісова көшелеріндегі жеке тұрғын үйлерде су болмайды. Сондай-ақ Мұхит көшесі 46/3, 46/2, Ж.Молдағалиев көшесі 35/1, М.Лермонтов көшесі 65, Ж.Досмұхамедов көшесі 77/1, 77/2, 79, Д.Нұрпейісова көшесі 40, 14/1, 14/2, 14/3, 19-мекенжайларында су беру қысымы төмендетіледі. Жөндеу жұмыстары шамамен 24 желтоқсан күні сағат 20.00-ге дейін жүргізіледі, - деп хабарлады ведомстводан.
Еске сала кетейік, бұдан бұрын Оралдың бірқатар ауданы сусыз қалғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).