ОРАЛ. ҚазАқпарат - Оралда «Жекпе-жек» спорт кешенінде Тәуелсіздіктің 30 жылдығына орай балалар, жасөспірімдер, жастар және ересектер арасында каратэ шито-рюден Қазақстан чемпионаты мәреге жетті, деп хабарлайды ҚазАқпарат тілшісі.
БҚО дене шынықтыру және спорт басқармасы мәлім еткеніндей, үш күнге созылған жарыс қорытындысында Маңғыстау облысының құрамасы 28 алтын, 16 күміс, 23 қола жүлдені жеңіп алды.
Байқоңыр қаласынан келген каратэшілер 11 алтын, 13 күміс, 13 қола медальға ие болды.
Ақмола облысы Щучинск қаласының спортшылары 7 алтын, 9 күміс, 12 қоламен қайтты.
Қызылордалықтар еншісінде - 7 алтын, 4 күміс, 15 қола жүлде.
Алматылықтар 7 алтын, 3 күміс, 9 қоланы қанжығасына байлады.
Ел біріншілігінде батысқазақстандықтар да құр қол қалған жоқ. Олар 5 алтын, 11 күміс, 12 қола жүлдені олжалады.
Еске сала кетейік, бұдан бұрын Оралда каратэ шито-рюден ҚР біріншілігінде 600-ге жуық спортшы бақ сынайтынын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).