ОРАЛ. ҚазАқпарат – Оралдағы жазғы лагерьлердің бірінде қарбыздан уланды деген күдікпен үш бала ауруханаға түсті, деп хабарлайды ҚазАқпарат тілшісі.
БҚО ТЖД баспасөз қызметінен берілген мәліметке қарағанда, бүгін сағат 11:49-да «Самал-3» шағынауданынан шақырту түскен.
Балалар лагерінде қарбыздан уланды деген күдікпен 15 және 16 жасар үш қыз модульдік жұқпалы аурулар ауруханасына жеткізілді. Оларға өткір гастроэнтероколит диагнозы қойылды.
Облыстық денсаулық сақтау басқармасының баспасөз хатшысы Айнагүл Сақпосынованың нақтылауынша, балалар кешеден бері ауырған.
«Оның алдында бірнеше бала туған күнін тойлаған. Сонда қарбыз, торт жеген. Тек үш қыз сырқаттанған. Жағдайлары қанағаттанарлық. Дәрігерлер ауруханаға жатқызуға көрсеткіш жоқ деп тапты», - деді А. Сақпосынова.
Еске сала кетейік, бұдан бұрын Оралда қарбыздан уланды деген күдікпен төрт баланың ауруханаға жатқызылғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).