Оралда кәріз коллекторындағы апаттан кейін жөндеу жұмысы жалғасып жатыр
ОРАЛ. KAZINFORM – Орал қаласында кәріз коллекторындағы апаттан кейін жөндеу жұмыстары жалғасып жатыр.
Фото: Батыс су арнасы
Фото: Батыс су арнасы
«Батыс су арнасы» ЖШС баспасөз қызметінен мәлім еткендей, кәріз коллекторында диаметрі 1000 мм су құбырындағы ақауға байланысты 11 ақпан күні сағат 17.00-ден бастап қаланың орталық бөлігі мен Зачаган кентінде салқын су беруге шектеу қойылды.
Фото: Батыс су арнасы
«Мекеме күшімен апатты жағдайды қалпына келтіру жұмыстары жүргізіліп, 12 ақпан күні сағат 02.30-дан қалаға қайтадан салқын су беріле бастады. Қазіргі кезде жұмыс жалғасуда. Салқын су беруге шектеу енгізілуі мүмкін. Сондықтан Орал қаласы тұрғындарынан қажетті су қорын жасақтап алуды өтінеміз» деп хабарлады ведомстводан.
Фото: Батыс су арнасы
Еске сала кетейік, бұдан бұрын Оралда құбыр жарылып, көшені су басқанын жазған болатынбыз.
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).