ОРАЛ. ҚазАқпарат - Оралда қатты аязға байланысты бірінші ауысымдағы 1-9 сынып оқушылары қашықтан оқиды, деп хабарлайды ҚазАқпарат тілшісі.
БҚО гидрометеорология орталығының мәліметі бойынша, жергілікті сағат 07.00-де температура тілі 27 градус аязды көрсетті.
Желдің жылдамдығы – секундына 2 метр.
Еске сала кетейік, 24 ақпан күні Оралда 1-ауысымдағы бастауыш сыныптар мектепке бармаған болатын.
Бұған дейін хабарлағанымыздай, бүгін ауа райына байланысты Нұр-Сұлтан, Қарағанды, Көкшетау, Атырау қалаларында және Солтүстік Қазақстан облысында бірінші ауысымдағы оқулар онлайн форматқа ауыстырылды.
Синоптиктер 25-27 ақпан аралығында еліміздің басым бөлігінде аяздар сақталатынын ескертті. Сондай-ақ жекелеген өңірде қар жауып, боран соғатыны айтылды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).