ОРАЛ. ҚазАқпарат - Оралда қатты аязға байланысты бастауыш сынып оқушылары қашықтан оқиды, деп хабарлайды ҚазАқпарат тілшісі.
БҚО гидрометеорология орталығының хабарлауынша, 29 желтоқсан күні 1-ауысымда бастауыш сынып оқушылары үшін сабақ қашықтан өтеді.
Жергілікті сағат 06.50-де температура бағаны 26 градус аязды көрсетті. Желдің жылдамдығы - секундына 2 метр. Бұл туралы БҚО Төтенше жағдайлар департаментінен мәлім етті.
Қазіргі кезде Батыс Қазақстан облысында барлық бағыттар бойынша жолдар ашық.
Еске сала кетейік, бұдан бұрын Оралда бір айлық мөлшердегі қар түскенін жазған болатынбыз. Сондай-ақ Батыс Қазақстан облысында 20-дан астам автокөлік қар құрсауында қалды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).