ОРАЛ. ҚазАқпарат – Оралда қатты желден теректер құлап,автокөліктерді басып қалды, деп хабарлайды ҚазАқпарат тілшісі.
БҚО ТЖ департаментінің баспасөз қызметі мәлім еткеніндей, 13 тамыз күні кешкісін дауыл тұрып, жаңбыр жауды.
Желдің жылдамдығы секундына 17 метрге дейін жетіп, соның салдарынан сағат 19.07-де А.Тайманов көшесі 127-үйдің ауласында терек «Рено Логан» және «Мицубиси» автокөліктерінің үстіне құлады.
Сағат 20.31-де А.Құсайынов көшесі 157-үйдің ауласында терек тағы бір автокөлікті басып қалды.
Абырой болғанда, зардап шеккендер жоқ.
Қазіргі кезде оқиғаның жай-жапсары анықталу үстінде.
Еске сала кетейік, бұдан бұрын Орал қаласы тұрғындарының тағы сусыз қалғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).