ОРАЛ. ҚазАқпарат - Оралда жеңіл автокөлік автобуспен соқтығысып, төрт адам жарақат алды, деп хабарлайды «ҚазАқпарат» тілшісі.
Оқиға кеше сағат 19.00-ге таман Достық даңғылы бойындағы «Саяхат» аялдамасында болған. «Киа» автокөлігі №43 бағытта жүретін автобуспен түйіскен. Соның салдарынан аталмыш автобус өзінің артында тұрған №2 бағытта жүретін автобуспен соқтығысқан.
Қазіргі кезде оқиғаның мән-жайы анықталып жатыр.
Облыстық денсаулық сақтау басқармасы басшысының орынбасары Гүлнәр Әбдірахманованың айтуынша, оқиға салдарынан 4 адам жарақат алды. Соның ішінде 2000 жылғы жасөспірім облыстық көпбейінді балалар ауруханасына, қалған екі адам облыстық клиникалық ауруханаға жатқызылды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).